Wos bei de Frauen zählt...

Iatz bin ia aa scho 60ge, und do frogt ma se manchmoi scho:

Wia bleib i für´s weibliche Geschlecht attraktiv?

 

I hob mi so aa weng umg´schaut, wia´s andere mochan:

-      Waschbrettbauch

-      Moderns fetzigs Gwand

-      Piercing

-      iPod

-      Motorradl

-      Cabriolet

-      Haarteil

-      Humor

-      Gegelte Hoa

-      Ringe an de Finger

 

Dann hob i ´s ausprobiert:

-      I bin ins Fitnesstudio

-      Hob mi ganz modern ausstaffiert

-      Hob ma an flottn Fahrzeugpark zuaglegt

-      Bin olle Tog oanahoib Stund im Bad g´standn

-      Sogoa a Witzbüachl hob i mir kauft

 

Und da Erfolg: gleich Null. Koane hot anbissn.

Und dann hob i durch Zuafall entdeckt, wer do in Moos den meistn Damenbesuch kriagt: Des is da Strasser Sepp. Der hot zwar koan Waschbrettbauch und koa Cabrio, aber bei dem gehen den ganzn Tog de Frauen in Scharen aus und ei. Und warum?

 

Der hot:

-      Hehna, Antn, Gäns

-      Oa

-      Salat

-      Gurken

-      Tomaten

-      Radieserl

-      Paprika

-      Gelbe Ruam und, und und ...

 

Und des hand de Sachan, de auf lange Sicht bei de Frauen zähln.

 

 

Aktuelle Infos